4.Notes (B.A.) First Year - Opt-IV (Masnavi Aur Nazm)

مثنوی کی تعریف اور فن

مثنوی لفظ ثنا سے مشتق ہے اور اس کے معنی ہیں ؛ دو ؛ دو ؛ کیا ہوا ۔ مثنوی کے ہر شعر میں اس کا قافیہ ،قافیہ و ردیف الگ الگ ہوتا ہے ۔ اس طرح دو ؛ دو ہم قافیہ مصرعوں کی رعایت سے ہی اس صنف کو مثنوی کہا جا تا ہے ۔ مثال کے طور پر:

وہ اجلا سا میداں چہکتی سی ریت اگا نور سے چاند تاروں کا کھیت

درختوں کے سائے سے مہ کا ظہور گرے جیسے چھلنی سے چھن چھن کے نور

پہلے شعر میں ریت اور کھیت ؛ قافیہ ، دوسرے شعر میں ظہور اور نور : یہ دونوں بھی فافیہ ہیں ۔ پہلے اور دوسرے شعر کے قافیہ مختلف ہیں اس طرح یہ مثنوی کی ہیت یا بناوٹ کہلاتی ہے ۔ چوں کہ صنف مثنوی میں ہر شعر میں قافیہ تبدیل ہوتا ہے اور مثنوی نگار کو قافیہ کی تلاش میں پریشان نہیں ہونا پڑتا ہے ۔ یہی وجہ ہے کہ اردو شاعری میں طویل مثنویاں کافی تعداد میں لکھی گئی ہیں اور طویل داستانوں کے ساتھ ساتھ ان میں مختصر قصے بھی نظم کیے گئے ہیں ۔مثنوی میں ہرقسم کے موضوعات کو جگہ دی گئی ہے ان میں حسن وعشق ، رزم و بزم ، تصوف و اخلاق ، فلسفہ و سماج غرض کہ ہر قسم کے موضوعات کو نظم کیا گیا ہے ۔ ان مثنویوں میں فوق الفطری کردار بھی فعال نظر آتے ہیں جیسے کہ جن ، پری ، دیو وغیرہ دکن میں رزمیہ مثنویاں خاصی تعداد میں لکھی گئی ہیں جب کہ شمالی ہند میں عشقی مثنویاں لکھی گئی ہیں ۔ جیسے مثنوی زہر عشق ،سحر البیان اور گلزارنسیم وغیرہ ۔ان کے علاوہ مولانا آزاد اور مولاناحالی نے مناظر فطرت اور سماجی مسائل کو مثنویوں کا موضوع بنایا ہے ۔ غرض یہ کہ مثنوی کی دنیا بڑی وسیع ہے اور اس دنیا میں ہر طبقے ، ہر تہوار ، ہر رسم ورواج ، لباس ، سواریاں ، شائستہ زبان کے ساتھ ساتھ بولی ٹھولی ، محاورے ، ضرب المثل ، ہر مذاق کا بیان ، جذبات نگاری ، منظر نگاری ، کردار نگاری ، مکالمہ نگاری ، ڈرامہ نگاری قومی یکجہتی فرض یہ کہ سب ہی کچھ ملتا ہے ۔

مثنوی کی ابتدا حمد ونعت سے کی جاتی ہے اس میں اپنے رب کی تعریف اور رسول پاک ﷺ کی نعت بیان کی جاتی ہے ، بہت سے شعراء نے منقبت بھی لکھی ہے مثنوی کے اندر مذہبی مسلک اور عقائد کی کوئی قید نہیں ہے ۔ مثنوی کا دوسرا جز مدح حاکم فرمانںرواںِ وقت ہوتا ہے ان کی تعریف کرنا اس لیے ضروری ہوتا ہے کہ در باروں سے وابستہ ہونے کی وجہ سے ان کے لئے روزی روٹی کا مسئلہ ہوتا ہے اور حکمراں کی تعریف وسیلہ روز گا ر تھا ۔مثنوی کوطویل نظم یا منظوم داستان بھی کہا جا تا ہے کیونکہ اس کے اندر کوئی واقعہ تسلسل کے ساتھ بیان کیا جا تا ہے ۔ حالی نے اس لیے اس صنف کو سب سے زیادہ کارآمد بتایا ہے کیونکہ اس کے اندر ہرطرح کے مضامین بیان کرنے کی گنجائش ہے ۔ مثنوی نگار نفس قصہ اور موضوع کی طرف زیادہ توجہ دیتے ہیں مثنوی کا خاکہ تیار کر کے اس کی تکمیل کی جاتی ہے اس وجہ سے واقعات کی ترتیب وتعمیر میں تعمیر میں تسلسل ہونا ضروری ہے ، واقعہ نگاری فطری بھی ہوسکتی ہے اور غیر فطری بھی یعنی اس میں انسانی کرداروں کے ساتھ ساتھ فوق الفطری کر دار بھی فعالیت کے ساتھ نظر آتے ہیں ۔ان کرداروں کے جذبات ، احساسات ، اور نفسیات کا اظہار رواں دواں نظر آتا ہے ، کردار اپنے مکالمے کے ذریعہ مثنویوں میں فعال نظر آتے ہیں اس لیے مثنوی نگار کو جذبات نگار ، نفسیات نگار اور مکالمہ نگار ہونا بھی ضروری ہوتا ہے ۔ مثنوی کے واقعات میں عروج ، جد و جہد ، کلائمکس اور خاتمہ ہوتا ہے ، مثنویوں کے مطالعے سے پتا چلتا ہے کہ زیادہ تر مثنویوں کا خاتمہ دل چسپ اور خوشگوار ہوتا ہے اور ہیرو ہیروئن آخر میں مل جاتے ہیں مثنویاں اپنے دور کے ماحول کی عکاسی کرتی ہیں ۔ ڈاکٹر گیان چند جین نے کہا ہے کہ

" تمام اصناف سخن میں مثنویوں میں تہذیب کی مرقع کشی سب سے زیادہ ہوئی ہے‘‘ ۔

دکن کی مثنویوں میں دکنی سماج و معاشرت جلوہ گر ہے تو شمالی ہند کی مثنویوں میں دہلی اور لکھنوی معاشرت کی جھلکیاں بہ خوبی دیکھی جاسکتی ہیں ، اس دور کا نظام جاگیردارانہ تھا اور یہی طبقہ اعلی شمار ہوتا تھا گویا کہ شعراء کے لئے میں جا گیردار ، نواب اور حکمراں آئیڈ میں ہوا کرتے تھے اس لئے مثنویوں میں یہی طرز حیات بیان کی جاتی تھی۔ ہماری زندگیوں میں ہر موقع کے رسم ورواج کو بڑی اہمیت حاصل ہے ۔ بچوں کی پیدائش پر چھٹی ، چلہ ، عقیقہ وغیرہ کا رواج ہے اور مثنویوں میں ایسے رسم ورواج کا اہتمام کیا جا تا ہے ، اسی طرح سے شادی بیاہ میں بہت سی رسمیں ادا کی جاتی ہیں ، میلے ٹھیلے جلوہ جلوس ، کھیل کود ، بازیاں جیسے چوسر وغیرہ کا بیان مثنویوں کا ایک اہم حصہ ہے ، اسی طرح سے جاگیردارانہ نظام میں نواب یا حکمراں ، ان کے وارث دائیاں ، ا تالق ، رمال وغیرہ کا بیان بھی بڑے دلچسپ پیرائے میں کیا جا تا ہے ۔ مثنویوں میں مذہبی عقائد اور مزارات کا بھی ذکر ہوتا ہے ۔ لباس کی اقسام نیز سرتا پا زیورات وغیرہ کا ذکر ملتا ہے ان کے علاوہ رقص وسرور کی محفلیں اوران کی تفصیلات بھی مثنویوں میں جلوہ گر رہتی ہیں ۔ اسی طرح سے اس زمانے کے شعرا اور ان کی کتابوں کے نام بھی مثنوی میں ملتے ہیں جیسے ظہوری اور نظیر کا انتخاب اور کچھ انتخاب سودا ، میر اور میرحسن کے بھی اس دور کے شعر وادب کے ذوق کو ظاہر کرتے ہیں ۔ مثنوی سحر البیان میں بیان طویل ہے لیکن مثنوی گلزار نسیم کا سب سے بڑا وصف اس کا اختصار اور جامعیت ہے بڑے سے بڑے واقعے کو نسیم نے اختصار سے ایک دوشعر میں بیان کر دیا ہے ۔ لکھنوی طرز معاشرت کی ایک اہم مثنوی : زہر شق ہے اس کے اشعار ضرب المثل بن گئے ہیں اور اس مثنوی کوعریانی اور فحاشی کی مثال کہا جا تا ہے جب کہ سچائی یہ ہے کہ : زہر عشق : ناتو عریاں ہے اور نہ ہی فحش ۔ وہ معاشرت میں جنم لینے والی ایک عشق کی چھوٹی سی کہانی ہے جو کہ موجودہ دور میں ایک سادہ بات ہی کہی جاسکتی ہے ، اس مثنوی میں نہ تو لباس کا ذکر ہے اور نہ ہی زیور کا اور نہ کسی رسم رواج کا بیان ہے صرف واردات کا اظہار کیا گیا ہے جو کہ لکھنوی معاشرت کا عام رجحان تھا ۔

مثنوی کا آغاز و ارتقا

اردومنثوی کو دکن میں فروغ حاصل ہوا ۔ دکن کی شاعری میں مثنوی لکھنے کا زیادہ رجحان ملتا ہے ، اور اسی رجحان کی وجہ سے نویں صدی ہجری سے گیارہویں صدی ہجری کے درمیان کافی تعداد میں مثنویاں لکھی گئیں ہیں ۔ وکن کی پہلی مثنوی ’’کدم راؤ پدم راؤ ‘ ‘ ہے جو کہ فخر الدین نظامی نے لکھی ہے ۔ اس دور میں میراں جی شمس العشاق نے ’’شہادۃ الحقیقت ‘‘اور ’’خوش نامہ‘‘ تصوف سے متعلق ، سید اشرف بیابانی کی ’ ’ نوسر ہار ‘‘ برہان الدین جانم کی ’’ارشاد نامہ ‘‘ وصیت الہادی ، حجت البقاء, نسیم الکلام، صفت الکلام ؛ عبدل کی ابراہیم نامہ اور ملا وجہی کی قطب مشتری اہم مثنویاں ہیں ۔ ملا وجہی کی مثنوی ’ ’ قطب مشتری ‘ ‘ دکن کی پہلی طبع زادمثنوی ہے ۔ اس کو ملا وجہی نے ۱۶۰۹ ء میں تصنیف کیا تھا ۔ اس مثنوی کا موضوع قلی قطب شاہ اور مشتری کی عشق کی داستان کا بیان ہے ۔ والی گولکنڈہ ابراہیم کے بیٹے قلی قطب شاہ کو خواب میں ایک حسینہ دکھائی دیتی ہے اور وہ اس کے عشق میں مبتلا ہو کر کافی پریشانیاں اٹھا کر اس کو حاصل کر لیتا ہے ۔ اس طرح سے دونوں کی شادی ہو جاتی ہے ۔ اس کہانی کا پلاٹ سادہ اور تسلسل کے ساتھ ہے ۔ اس کے کردار بے شمار ہیں جن کے اندر فوق الفطری کردار بھی شامل ہیں لیکن منظر نگاری کے لحاظ سے یہ مثنوی بہت اہم مانی جاتی ہے ۔ اس کے اندرگلوں اور باغوں کی منظر نگاری دکش اور اعلی درجے کی ہے ۔ خواصی نے تین مثنویاں لکھیں : سیف الملوک بدیع الجمال بطولی نامہ اور میناستوتی ہیں مقیمی کی چندر بدن اور مہیار بھی قابل قدر مثنوی ہے ۔ اسی دور کی اہم مثنویوں میں نصرتی کی ’ ’ گلشن عشق‘‘اور’’علی نامہ ۔ اس کے علاوہ ابن نشاطی کی پھول بن ‘ بھی قابل ذکر ہے ۔ نصرتی نے گلشن عشق 1675 ء میں لکھی تھی اس میں منوہر اور مالتی کو موضوع بنایا گیا ہے ۔ اس میں حمد اور نعت ، منقبت حکمراں کی تعریف اور ت کے موضوع پر روشنی ڈالی گئی ہے ۔ نیز اس کا سبب تالیف بھی بیان کیا گیا ہے ۔ یہ ایک طویل مثنوی ہے ۔ اس کے اندر رابیہ نو ہر ، مالتی ، چاندر تین اور چھپادتی کے عشق کی داستان کو ظلم کی گیا ہے ۔ قصہ مربوط ہے ، مثنوی کے بھی اجزا کا اہتمام کیا گیا ہے ، زبان و بیان کے اعتبار سے اس مثنوی کو بہترین مثنوی تسلیم کیا جا تا ہے ۔ نصرتی کی علی نامہ 1665 ء میں لکھی گئی تھی اور یہ ایک راز میہ مشنوی ہے ۔ یہ شاہ نامہ کے انداز میں لکھی گئی ہے ، اس لیے اس کو دکن کا شاہ نامہ کہا جا تا ہے ۔ قلعہ پنالہ علی عادل شاہ نے فتح کیا تھا ، اس کا بیان اس مثنوی میں کیا گیا ہے ۔ اس میں با قاعدہ عنوان تحریر کیے گئے ہیں ۔ ابتدا میں حمد ونعت ، منقبت ، مدح اور پھر میدان جنگ کے نقشے ، فوجوں کے معر کے اور ہتھیاروں کا استعمال اور فتح کا ذکر کیا گیا ہے ۔ نصرتی کی زبان و بیان پر قدرت اس مثنوی کی خوبی ہے ۔ مثنوی ” پھول بن ‘ ‘ ابن نشاطی نے تحریر کی ہے ۔ یہ ایک فارسی قصہ ہے جس کو اردو کا جامہ پہنایا گیا ہے اور اس میں مذہبی پند و نصائح بیان کیے گئے ہیں ۔ ابن نشاطی کی زبان پر پنجابی زبان کے اثرات ہیں ۔ یہ مثنوی دکنی زبان کی ممتاز مثنویوں میں شمار کی جاتی ہے ۔ سراج اورنگ آبادی کی بوستان خیال لچھمی نارائن شفیق کی تصویر جاناں بھی اس دور کی قابل ذکر مثنویاں ہیں ۔ جنیدی کی ماہ پیکر طیبی کی بہرام گل اندام ، فائز کی رضوان اور روح افزا ، ہاشمی کی یوسف زلیخا ، رستمی کی طویل مثنوی خاور نامہ دکن کی بہترین مثنویاں تسلیم کی جاتی ہیں ۔ اس زمانے میں مذہبی نوعیت کی مثنویوں میں عشرت کی چت لگن ، بحری کی من لگن اور ولی ویلوری کی روضتہ الشہداء اشرف کی جنگ نامہ قابل ذکر مثنویاں ہیں ، جب کہ رومانی قصے میں عاجز کی قصہ لعل و گہر اور آگاہ کی تکر ارعشق کافی مشہور ہیں ۔ دکن میں مذہبی نوعیت کی صوفیانہ ، رزمیہ ، بزمیہ غرض سب ہی قسم کے موضوعات پر شعرا نے طبع آزمائی کی ہے ۔ زبان کے لحاظ ان میں دکن کی زبان استعمال کی گئی ہے جو کہ فطری ہے ۔ اس کے علاوہ کچھ فارسی اور سنسکرت کے قصوں کو بھی اردو میں ترجمہ کیا گیا ہے ، ۔ شمالی ہند میں اردو مثنویاں اتنی زیادہ تعداد میں تو نہیں لکھی گئیں جتنی کہ دکن میں لکھی گئی ہیں۔شمالی ہند میں افضل جھنجھانوی کی بکٹ کہانی کو جو کہ ایک بارہ ماسہ کے طرز پرلکھی گئی ہے پہلی مثنوی تسلیم کی جا تا ہے ۔ میر اور سودا نے بھی قابل ذکر مثنویاں لکھی ہیں ۔ میرکی مثنوی دریائے عشق کا موضوع عشق کی ایک ایسی داستان ہے جس کا انجام عاشق اور محبوب کے دریا میں ڈوب مرنے پر ہوتا ہے ۔ عشق اور شعلہ بھی میر کی مثنوی ہے۔ میر کی مثنویوں میں دنیا کی بے ثباتی اور حالات کی نارسائی کا بیان ہے ۔ خواجہ میر درد کے بھائی میراثر نے بھی ایک مثنوی خواب و خیال کے نام سے تصنیف کی ہے جو معشوق کی سراپا نگاری کا اچھا نمونہ ہے ۔ اس میں بجراور تمناے وصال کا بھی ذکر ہے ۔ اس مثنوی کی زبان کی تعریف کرتے ہوے ڈاکٹر عبدالحق نے لکھا ہے :

جدید اردوزبان کی جب سے بنیاد پڑی ہے شاید ہی کوئی مثنوی زبان کی سلاست آور روانی فصاحت اور شیرینی روز مرہ کی صفائی ، قافیوں کی نشست اور مسرتوں پرستی زنانے اور مردانے محاوروں کے بے خلاف استعمال میں مثنوی خواب و خیال کا مقابلہ کر سکتی ہے ۔

شمالی ہند میں سب سے بہترین مثنوی میر حسن کی سحرالبیان ہے ۔ میں اس نے مثنوی سحر البیان ۱۱۹۹ ہجری ۸۳ یاء میں تصنیف کی ۔ میر حسن نے کل گیارہ ( ۱۱ ) مثنویاں لکھی ہیں جن میں سحرالیان میر حسن کی شاہکارمثنوی ہے ۔ یہ ایک ایسی مثنوی ہے جس نے ادب کی تاریخ میں اپنے مصنف کا نام زندہ و جاوید کر دیا ۔ اس مثنوی میں شہزادہ بے نظیر اور شہزادی بدرمنیر کی مشق کی داستان بیان کی گئی ہے ۔ اس کا ذکر آگے تفصیل سے آئے گا ۔ شمالی ہند ہی نہیں بلکہ اردوزبان وادب کی تاریخ میں پنڈت دیا شنکرنسیم کی مثنوی گلزار نیم قابل تعریف مثنوی ہے ۔ یہ ایک عشقیہ مثنوی ہے جو لکھنو میں لکھی گئی تھی ۔ یہ مشنوی لکھنوی تہذیب کی آئینہ دار ہے ۔ جس کو نسیم نے ۱۸۳۵ ء میں لکھا تھا ۔ اس میں تاج الملوک اور گل بکاولی کی عشقیہ داستان کا بیان ہے ۔ اس کا ذکر بھی آگے تفصیل سے آۓ گا ۔ گلزار نسیم کے بعد قتیل کی مثنوی طلسم الفت اور واجدعلی شاہ کی مثنوی حزین اختر قابل ذکر ہیں ۔ اس دور میں حکیم تصدق حسین عرف نواب مرزا شوق کی مثنوی زہرعشق ایک اہم مثنوی ہے جو کہ لکھنو کی تہذیب کی آئینہ دار ہے جس کے ذکر کے بغیر مثنوی کی تاریخ مکمل نہیں ہوسکتی ۔ مرزا شوق سے پانچ مثنویاں منسوب ہیں : قریب عشق ، بہار عشق ، زہر عشق ، لذت عشق اور مجرم مشق لیکن زبر عشق شوق کی شہرت کا باعث بنی ۔ اس میں کوئی بھی فوق الفطری کردار نہیں ہے بلکہ اس میں جیتے جاگتے اور چلتے پھرتے کردار ہیں جو کہ نہ تو سراپا شیطان ہیں اور نہ ہی سراپا فرشتے بلکہ د وبہترین خصوصیات کے حامل کر دار بنایا - اس کے ہیرومرزا شوق خود ہیں ۔ ان کو پڑوسی سودا گر کی بیٹی میں سے مشتق ہو جا تا ہے ۔ دونوں چپ چپ کر ملنے لگتے ہیں اور جب بھید کھل جاتا ہے تو دونوں بدنامی کے ڈر سے زہر کھا لیتے ہیں ، جس میں لڑ کا تو پیچ جا تا ہے لیکن لڑ کی جان دے دیتی ہے ۔ اس مثنوی میں جذبات نگاری بہت عمدہ ہے ۔ دنیا کی بے ثباتی کا بیان اثر انگیز ہے ۔ ز ہر مشتق اپنی عریانی کے عیب کے باوجود بہترین مثنوی میں شمار کی جاتی ہے ۔ حالی اور آزاد نے انجمن پنجاب کے مشاعروں کی بنیاد ڈالی تو مثنولوں کے موضوع بدل گئے ۔ شقیہ داستانوں کے بجائے اب مناظر فطرت اور حب الوطنی مثنویوں کے موضوع ہے ۔ اس سلسلے میں حالی کی حب وطن ، منا بات بیوہ ، آزاد کی خواب امن اس قبیل کی مثنویاں ہیں ۔ علامہ اقبال نے بھی کئی مثنویاں لکھی ہیں ۔ان کی مثنویوں میں سید کی لوح تربت ساقی نامہ اہم ہیں ، لیکن ان میں ساقی نامہ سب سے اعلی درجے کی مثنوی ہے ۔ سردار جعفری کی جمہوری سیلی.،علمی خانہ جنگی ، جوش کی مثنوی جنگل کی شہزادی و جمنا کنارے اور یہ سہاگن بڑی دلکش اور پرتاثیر مثنویاں ہیں ، حفیظ جالندھری کی مثنوی شاہنامہ اسلام اس دور کی طویل مثنوی ہے

مثنوی کا سماجی اور تہذیبی پس منظر:۔

اردو شاعری کی مثنوی ایک اہم صنفِ سخن ہے جس میں داستان، عشقیہ، صوفیانہ اور تاریخی موضوعات پر طویل بیانیہ اشعار کہے گئے ہیں۔ اس صنف نے برصغیر کی تہذیب و ثقافت کو نہ صرف محفوظ کیا بلکہ اسے عام لوگوں تک پہنچانے میں بھی کلیدی کردار ادا کیا۔ اردو مثنویوں میں ہمیں اس وقت کے سماجی، سیاسی اور تہذیبی حالات کا عکس واضح طور پر نظر آتا ہے۔مثنوی دراصل وہ صنفِ شاعری ہے جس میں طویل بیانیہ اشعار ہوتے ہیں، اور ہر شعر کے دونوں مصرعے ہم قافیہ ہوتے ہیں۔ اس میں کسی داستان، واقعے یا نصیحت آموز قصے کو تفصیل سے بیان کیا جاتا ہے۔ فارسی اور اردو شاعری میں مثنوی کو خاص اہمیت حاصل ہے کیونکہ اس میں ایک مربوط اور مسلسل کہانی بیان کی جاتی ہے جو نثر کی طرح مفصل اور شاعری کی طرح دلنشین ہوتی ہے۔

اردو مثنویوں کا سماجی پس منظر:اردو مثنویوں کے مطالعے سے ہمیں اس دور کے سماجی حالات کا بخوبی اندازہ ہوتا ہے۔ یہ مثنویاں اس دور کے طرزِ زندگی، رسوم و رواج، طبقاتی نظام، اخلاقی قدروں اور انسانی رویوں کی عکاسی کرتی ہیں۔

1. طبقاتی فرق اور سماجی زندگی: مثنویوں میں اس وقت کے معاشرتی طبقات کی جھلک نمایاں نظر آتی ہے۔ امیر اور غریب، بادشاہ اور فقیر، عالم اور جاہل، ہر طبقے کی زندگی کا عکس ان میں ملتا ہے۔ مثلاً میر حسن کی مثنوی "سحرالبیان" میں امرا اور شرفا کے رہن سہن، لباس، تفریحی مشاغل اور محبت کے معاملات کی بھرپور تصویر کشی کی گئی ہے۔

2. عورت کا مقام: اردو مثنویوں میں عورت کے کردار کو خاص اہمیت دی گئی ہے۔ اس میں عورت کے جذبات، احساسات اور اس کی سماجی حیثیت کو اجاگر کیا گیا ہے۔ بعض مثنویوں میں عورت کو مظلوم دکھایا گیا ہے تو کہیں اس کی ذہانت، وفاداری اور محبت کی عکاسی کی گئی ہے۔ "سحرالبیان" اور "زہرِ عشق" جیسی مثنویاں اس کی بہترین مثالیں ہیں۔

3. اخلاقی اور اصلاحی پہلو: مثنویوں میں اخلاقی تعلیم اور اصلاحِ معاشرہ کا بھی عنصر نمایاں ہے۔ صوفیانہ مثنویاں بالخصوص اس سلسلے میں نمایاں ہیں جن میں نیکی، راست بازی، حق گوئی اور محبتِ الٰہی کا درس دیا گیا ہے۔ مولانا جلال الدین رومی کی مثنوی "مثنوی مولانا روم " اور اردو میں پنڈیت دیا شنکر نسیمؔ کی "مثنوی گلزارِ نسیم" اسی اصلاحی پہلو کی عکاسی کرتی ہیں۔

4. رسم و رواج اور معاشرتی اقدار: مثنویوں میں شادی بیاہ، عیدین، میلوں، تہواروں اور دیگر تقریبات کا ذکر کیا جاتا ہے، جس سے ہمیں اس وقت کے رسم و رواج کا اندازہ ہوتا ہے۔ "گلزارِ نسیم" اور "سحرالبیان" میں اس وقت کی معاشرتی زندگی اور سماجی میل جول کا حسین عکس موجود ہے۔

اردو مثنویوں کا تہذیبی پس منظر:اردو مثنویوں میں نہ صرف سماجی حالات بلکہ تہذیب و ثقافت کے مختلف پہلو بھی نمایاں ہوتے ہیں۔ یہ مثنویاں ہمیں اس وقت کی زبان، ادب، فنونِ لطیفہ، موسیقی، رہن سہن اور طرزِ تعمیر سے آگاہ کرتی ہیں۔

1. زبان و بیان: اردو مثنویوں میں زبان کا انداز نہایت سادہ، مگر شاعرانہ ہوتا تھا۔ ان میں فارسی اور عربی کے الفاظ کی بھرمار ہوتی تھی، جو اس دور کے ادبی رجحان کو ظاہر کرتی ہے۔ مثلاً میر حسن کی "سحرالبیان" اور "گلزار ِ نسیم " میں شائستہ زبان اور فصاحت و بلاغت کی مثالیں موجود ہیں۔

2. ادبی تہذیب: اردو مثنویوں نے نہ صرف زبان کو ترقی دی بلکہ شعری جمالیات کو بھی نکھارا۔ ان میں استعارے، تشبیہات اور صنائع بدائع کا خوبصورت استعمال ملتا ہے۔ یہ مثنویاں برصغیر کی تہذیبی تاریخ میں ادب کی ترقی کے اہم سنگ میل سمجھی جاتی ہیں۔

3. موسیقی اور رقص: اس وقت کے درباروں اور معاشرتی زندگی میں موسیقی اور رقص کو خاص مقام حاصل تھا۔ اردو مثنویوں میں ان فنونِ لطیفہ کا ذکر بار بار ملتا ہے، جو اس وقت کے تہذیبی ماحول کی نمائندگی کرتا ہے۔ خاص طور پر درباری زندگی اور مشاعروں کے احوال کو مثنویوں میں عمدہ انداز میں بیان کیا گیا ہے۔

4. لباس اور طرزِ زندگی: اس دور میں شاہی لباس، زیورات، کھانے پینے کی عادات، عمارتوں کی خوبصورتی اور طرزِ زندگی کے دوسرے پہلو مثنویوں میں جابجا بیان کیے گئے ہیں۔ خاص طور پر "گلزارِ نسیم" اور "سحرالبیان" میں اس وقت کے طرزِ زندگی کی خوبصورتی اور نزاکت نمایاں ہے۔

اردو مثنوی محض ایک ادبی صنف نہیں بلکہ برصغیر کی سماجی اور تہذیبی تاریخ کی ایک اہم دستاویز بھی ہے۔ ان مثنویوں میں ہمیں اس وقت کے سماجی حالات، اخلاقی قدریں، معاشرتی رسم و رواج، ادبی تہذیب اور روزمرہ زندگی کی جھلکیاں ملتی ہیں۔ اردو مثنویوں نے نہ صرف ادب میں اپنا مقام بنایا بلکہ برصغیر کے تہذیبی ورثے کو محفوظ رکھنے میں بھی اہم کردار ادا کیا۔ آج بھی اگر ہم اپنے ماضی کی جھلک دیکھنا چاہیں تو اردو مثنویوں کا مطالعہ ایک قیمتی سرمایہ ثابت ہو سکتا ہے۔

میر حسن کی مثنوی نگاری

کہا جاتا ہے کہ میر حسن نے اگر مثنوی سحر البیان نہیں لکھی ہوتی تو بھی ان کا نام تاریخ ادب میں باقی رہتا وہ اس لیے کہ وہ میر خلیق کے والد اور میر انیس کے دادا تھے لیکن میر حسن کو اس کی ضرورت نہیں انھوں نے ایک شاہ کار تخلیق کیا جو کہ خود زندہ رہے گا اور اپنے خالق کو بھی زند د ر کھے گا۔

میر حسن دہلی میں پیدا ہوئے تھے ان کے والد سودا کے ہم عصر میں نام حسین ضاحک تھے ۔ ابتدائی تعلیم انھوں نے اپنے والد سے حاصل کی ۔ دہلی اس وقت طوائف الملو کی کا شکار تهی و دیار باربیس کر بار بار اجڑ رہی تھی ۔ باہری حملوں کی باعث دہلی کے کوچے اوراق مصور بنے ہوئے تھے اور ایسے حالات میں لوگوں کو نان ناشتیہ میسر نہ تھا ، اہل فن واہل کمال کی حالت دگرگوں تھی۔ چنانچہ اہل کمال دہلی سے ترک سکونت کر کے ملک کے مختلف مقامات کا رخ کر رہے تھے، اہل دہلی کا رخ اودھ کی طرف زیادہ تھا یہی وجہ ہے کہ میر اور سودا جیسے شعراء نے بھی لکھنوکی طرف رخ کیا ۔ میر حسن کے والد بھی تلاش معاش کے سلسلے میں فیض آباد پہلے آئے ۔ اس وقت میر حسن کی عمر بارہ سال کی تھی ۔میر حسن کو شاعری وراثت میں میں تھی یہ فیضان خدا داد بھی تھا اس لیے میر حسن نے ہر صنف میں طبع آزمائی کی اس کےساتھ انھوں نے ایک تذکر د بھی تصنیف کیا۔

اردو شاعری میں میر حسن اپنی لازوال تصنیف مثنوی سحر البیان کے علاوہ کئی وجوہ سے زندہ ہیں ۔ میر حسن نے تقریبا گیار ہ مثنویاں لکھی ہیں لیکن شہرت عام اور بقائے دوام کا تاج میر حسن کے سر پر مثنوی سحر البیان ہی نے رکھا ہے۔میر حسن نے اپنی اس تصنیف پر بڑا فخر کیا ہے اور اپنی ناموری کا ذریعہ قرار دیا ہے

کہ رہے گا جہاں میں مرا اس سے نام

کہ رہے یادگار جہاں یہ کام

میں حسن کی شہرت اور مقبولیت کی وجہ مثنوی سحر البیان ہے۔ اس دور میں میرحسن نے مربوط اور باکمال مثنوی لکھ کر ایسی شمع روشن کی جس کی روشنی میں کئی مثنویاں لکھی گئیں ۔

مثنوی سحرالبیان کی خصوصیات

مثنوی سحر البیان کی کہانی سیدھی اور سپاٹ ہے لیکن میر حسن نے ڈرامائی انداز اپنایا ، اس کے علاوہ منظر نگاری اور جذبات نگاری کی کا میاب عکاسی کی ہے ۔ اس میں شاعر نے خیالی کرداروں کو کھنو کے جاگیردارانہ نظام کے نواب زادوں کو حقیقی انداز میں ڈھال کر پیش کیا ہے اوران کے احساسات و جذبات نیز نفسیات کے بیان کا حق ادا کر دیا ہے ۔ لکھنو کی تہذیب میں محفل کی آرائش پر خاصی توجہ دی جاتی تھی اور مثنوی سحرالبیان میں میر حسن نے اس کا خاص اہتمام کیا ہے ، یہ مثنوی ایک ایسا آئینہ ہے جس میں لکھنو کی تہذیب جلوہ گر ہے ، اس میں سارے کردار چلتے پھرتے اور باتیں کر تے ہو ے دکھائی دیتے ہیں ان میں سے کچھ کردار تو زندہ و جاوید ہو گئے ہیں جیسے نجم النساء کا کردار ایک متحرک اور فعال کردار ہے جو کہ ادب میں زندہ کردار ہے ۔ جزئیات نگاری اس مثنوی کا نمایاں وصف ہے جذبات اور احساسات کا بیان بہت مفصل انداز میں کیا گیا ہے ، مختلف فنون صنعتوں اور پیشوں کی اصطلاحات مفصل بیان کی گئی ہیں ۔ مثلا نجوم موسیقی ، رسم الخط ، پھولوں ، زیورات ، سوار یوں وغیرہ کی اصطلاحات کا بیان نہایت مفصل انداز میں پیش کیا گیا ہے ۔ کہا جا تا ہے کہ مثنوی سحر البیان کی شہکا ری اس کی سحرالبیانی کی وجہ سے ہے ، الفاظ کی صنعت گری ، رعایت لفظی ، میر حسن کی طرز نگارش کا بہترین نمونہ ہے ۔ میر حسن نے مثنوی سحر البیان صاف اور با محاورہ زبان میں تصنیف کی ہے جس کی وجہ سے اس کے کئی اشعار ضرب المثل بن گئے ہیں مثلا

سدا عیش دوراں دکھاتا نہیں گیا وقت پھر ہا تھ آ تا نہیں

برس پندرہ یا کہ سولہ کا سن جوانی کی راتیں ، مرادوں کے دن

مثنوی دہلی اور لکھنو کی تہذیب کا مشتر کہ ورثہ کہلاتی ہے اس میں دلی جذ بہ سچائی اور تا ثیر ہے ساتھ ہی ساتھ اس جوانی کی راتیں ، مرادوں کے دن میں کاریگری اور صنعت پر وری بھی ہے ، اس مثنوی کی خصوصیات کو سمجھنے کے لیے ذیل میں چند اشعار بطورنمونہ پیش کیے جاتے ہیں ۔

ا ۔ باغ کی آرایش وزیبائش کا بیان ….

عمارت کی خوبی دروں کی وہ شان لگے جس میں زربفت کے سائبان

چھتیں اور پردے بند ھے زرنگار دروں پر کھڑی دست بستہ بہار

۲۔ باغ کا منظر …….

گلوں کا لب نہر پر جھومنا اسی اپنے عالم میں منھ چومنا

وہ جھک جھک کے گرنا خیابان پر نشے کا سا عالم گلستان پر

نہر کے کنارے بہار کا خوبصورت منظر بیان کیا ہے پھول جھوم رہے تھے اور ایک دوسرے کے منھ چوم رہے تھے ، حسن تعلیل کا بیان کیا ہے درخت پاس پاس اس طرح کھڑے ہیں کہ ان کی شانیں لپٹی ہوئی محسوس ہوتی ہیں جس طرح سے عموما نشےمیں احباب ایک دوسرے کی گردن میں بانہیں ڈال کر اپنائیت کا اظہار کر تے ہیں ۔

۳۔ خواضوں اور کنیزوں کا بیان …….

کنیراں مہرو کی ہر طرف ریل چنبیلی کوئی اور کوئی لائے بیل

شگوفہ کوئی اور کوئی کام روپ کوئی چپت لکن ، اورکوئی شیام روپ

ان اشعار میں مختلف کیروں کے نام نظر آتے ہیں اور یہ نام پھولوں کے ناموں پر ہیں ، یہ ساری کنیزیں میں چمکتے دمکتے چہروں والی ماہروہیں یہاں پر ان کی ریل پیل ہے چنبیلی ، شگوفہ کام روپ، چت لگن، اور شام روپ وغیرہ ان کے نام ہیں ۔

۴۔ بدرمنیر بے نظیر کی جدائی کے عالم میں بے قرار ہے……….

دوانی کی ہرسمت پھرنے لگی درختوں میں جا جا کے گرنے لگی

نہ اگلا سا ہنسنا کہ وہ بولنا نہ کھانا نہ پینا نہ لب کھولنا

بے نظیر کو ماورخ نے ایک کنویں میں قید کر دیا تھا تو بدرمنیر کی ایسی حالت ہوئی کہ وہ ہنسا بولنا کھا ناپینا سب بھول گئی ۔

۵۔ مکالمہ نگاری ملاحظہ ہو………….

کہا گر کسی نے کہ کچھ کھائیے کہا خیر بہتر ہے منگوائیے

کہا مجھ سے پیاری نہ بیزار ہو پھر آ ؤں گا بولی وہ مختار ہو

میرحسن زبان کے ماہر تھے لکھنوی اور دہلوی زبان ان کے گھر کی لونڈی تھی دہلی کی سادگی اور لکھنو کی پر کاری ان کی زبان کا امتیازی وصف ہے ۔ بہر حال میر حسن نے سحرالبیان میں بیان پر توجہ مرکوز کی اور اس لیے اس کا نام سحرالبیان رکھا ہے ، اس مثنوی کی تصنیف کو تقریبا دوسوسال کا عرصہ گزر چکا ہے لیکن آج بھی زبان و بیان اور تہذیب و معاشرت کی عکاسی کے اعتبار سے یہ مثنوی بے مشل مانی جاتی ہے ۔

سحرالبیان کا خلاصہ

مثنوی سحرالبیان میرحسن کی شاہکار مثنوی ہے ۔ اس مثنوی کو مروجہ اجزاء کی پابندی کے تحت حمد ، نعت ، منقبت ، اور فرمانرواۓ وقت کی تعریف کرتے ہوۓ اپنی ناموری کا ذریعہ قرار دیا ہے ، اور اس کے بعد قصہ شروع ہوتا ہے ۔ اس میں بادشاہ وقت کی پریشانی کی وجہ اولاد نہ ہونا قرار دیا ہے ۔ تجھی نجومی اور رمال اولاد ہونے کی پیشن گوئی کرتے ہیں اور جب اولاد پیدا ہوتی ہے تو یہ بھی کہا جا تا ہے کہ شہزادے کو بار و سال تک خطرہ در پیش ہے اس لیے اس کو باہر نہ نکالا جاۓ ۔ شہزادہ بے نظیر تولد ہوتا ہے تو اس کی پرورش پوری حفاظت کے ساتھ کی جاتی ہے ، یہ مان کر کہ اس کے بارہ سال مکمل ہو گئے ہیں خوشی کے اظہار کے لیے جلوس کی تیاریاں ہوتی ہیں شہزادے کو نہلا دھلا کر لباس زیب تن کرا یا جا تا ہے ۔ بڑی شان و شوکت کے ساتھ جلوس نکلتا ہے جلوس سے واپس آنے کے بعد شہزادہ کھلی چھت پر چاندنی رات میں سونے کی خواہش کرتا ہے اور بادشاہ اس کو اجازت دے دیتا ہے لیکن بارہ سال کا وقت پورا ہونے میں ابھی ایک دن باقی تھا چنانچہ جب شہزادہ کھلی چھت پر سورہا تھا تو اس طرف سے ماورخ پری کا گزر ہوا وہ شہزادے بے نظیر کے بے نظیر حسن پر فریفتہ ہوگئی اور سوتے ہوئے شہراوے کو پرستان لے گئی ۔ جب شہزادے کی آنکھ کھلی تو وہ پری کے گھر قید تھا ، دن بھر پری بے نظیر کے ساتھ رہتی اور رات کو وہ اپنے والدین کے پاس چلی جاتی تھی شہزا دو بے نظیر کا دل وہاں پرگھبرا تا تھا اس لئے پری اس کو کل کا گھوڑالا کر دیتی ہے اور اس گھوڑے پر شہزادہ سیر کو جانے لگا ایک رات شہزادہ بے نظیر شہزادی بدرمنیر کے باغ میں پہنچ گیا دونوں کی ملاقات ہوئی اور دونوں ایک دوسرے کے عشق میں گرفتار ہو گئے ۔ اس طرح سے ہررات دونوں کی ملاقاتیں ہونے لگیں جب ان ملاقاتوں کا پتا ایک دیو کے ذریعہ سے پری کو چلتا ہے تو دو غصہ میں بے نظیر کو ایک کنو میں میں قید کر دیتی ہے ۔ بدرمنیر ہررات شہزادے کا انتظار کرتی ہے اور اس کے فراق میں وہ تڑپتی ہے ایک رات وہ خواب میں شہزادے کو کنو میں میں قید دیکھتی ہے ۔ شہزادی کی سہیلی نجم النساء ( جو کہ وزیر زادی ہے ) سے بدرمنیر کی حالت نہیں دیکھی جاتی ہے اور وہ جو گن کا بھیس بنا کر شہزادے کی تلاش میں نکلتی ہے اور جب وہ بین بجاتی ہے تو جن کا بیٹا فیروز شاہ اس پر عاشق ہو جا تا ہے ، نجم النساء اس کی مدد سے شہزادے کو پری کی قید سے آزاد کراتی ہے ۔ آخر میں سب مل جاتے ہیں اور بے نظیر کی شادی بدرمنیر سے اور نجم النساء کی شادی فیروز شاہ سے ہو جاتی ہے ۔ مثنوی کا انجام خوش گوار ہوتا ہے اور شاعر آخر میں سب کے لیے دعا کرتا ہے ۔

نظم کی تعریف

نظم کی تعریف: شاعری کا ایک ایسا انداز ، جس میں کسی موضوع ،عنوان یا پھر کسی خاص فکر کو پیش نظر رکھ کر تمام خیالات کو اس کے اطراف و جوانب کی پیشکشی کے لئے استعمال کیا جائے تو اس قسم کی شاعری کو تم کہا جا تا ہے نظم کالفظ عربی سے فاری میں منتقل ہوا ، جس کے معنی لڑی یا شعر کے ہوتے ہیں قسم کے معنی بندوبست یا انتظام کے بھی ہوتے ہیں ۔ شاعری میں کسی موضوع کو منتخب کر کے اس موضوع سے متعلق شاعری میں خیال تسلسل اور رابطہ کا بندوبست یا انتظام کرنے کا شعری عمل "نظم " کہلاتا ہے ۔ نظم کی روایت اردو شاعری میں بہت بعد میں فروغ پائی ، جبکہ انگریزی ادب میں شاعری کو Poetry اور نظم کو Poem کی حیثیت سے شہرت حاصل ہو چکی تھی ۔ نظم کا لفظ معنوی اعتبار سے عربی زبان سے فارسی میں مکمل ہوا اور فارسی سے اردو میں عام شہرت کا حامل ہوا ۔ طویل عرصہ تک اردو میں نظم کے حقیقی معنی انتظام یا بندوبست کے لئے جاتے رہے ۔ شعری اظہار کے طور پرنظم کے اصلی ،وصفی اور لغوی مفہوم کی نمائندگی عربی اور فارسی لغات میں موجود ہے ۔لغت میں عام طور پر نظم کے معنی پرونا یا پھر ضبط میں لانا کے ہوتے ہیں ، جیسے نظم سے لفظ نظیم وجود میں آیا ، جس کے معنی پرو دیا گیا کے ہوتے ہیں ۔ عام طور پر نظم کے معنی موتی پرونا ، آراستہ کرنا موزوں کر نا یا پھر کسی چیز کو جوڑنا کے مفہوم میں لیا جا تا ہے ۔ اس کے علاوہ منظوم کے معنی نظم کیا ہوا یا اگر موزوں کلام یا پر شعر لکھنے کے معنی میں استعمال کیا جا تا ہے نظم کے ایک معنی لڑی یا سلک کے بھی ہوتے ہیں ۔لغت میں نظم کے معنی موزوں کلام ، شعر ، چھند ، کبت اور ضد نثر کے طور پر استعمال کئے گئے ہیں نظم کو ایک اصطلاح کے طور پر استعمال کرنے کا کام ’’جامع اللغات " کے ذریعہ انجام دیا گیا ۔ عربی میں نظم کے اصلی معنی اور وصفی معنی کے علاوولغوی معنی بھی بیان کر دیئے گئے ہیں لیکن نظم کو شعری اظہار کے اعتبار سے ثانوی مقام بھی دیا گیا ہے ، جس کے تحت چند شعروں کے مجموعے کو بھی نظم کہا جا تا ہے ۔ لیکن جد یدنظم کی تعریف یہ بتائی گئی ہے کہ اشعار کا ایسا مجموعہ جو کسی ایک مضمون یا موضوع کے علاوہ کسی عنوان کی مناسبت سے بیان کیا جاۓ تو اسے نظم کا درجہ دیا جا تا ہے ۔ اس طرح نظم لکھنا کسی بھی موضوع یا عنوان کے مختلف جہات کو ایک لڑی میں پرونے کا عمل قرار دیا جاۓ گا ۔ اس اعتبار سے اصطلاحی طور پر قلم شاعری کی ایک ایسی خصوصیت ہے ، جس میں عنوان سے متعلق تمام اہم خصوصیات کو یکجا کر دیا جا تا ہے ۔ اس کے باوجود بھی نظم کر نے والا یا Verifier اور نظم نگار بھی شاعر لینی Poet کے فرق کو محسوس کرنا ضروری ہے ۔ کسی بھی موضوع کو لفظوں کی بندش میں پرودینا Verification کہلاتا ہے ۔ اس کے بجاۓ نظم کے حسن اور زبان وفن کی تمام خصوصیات کو نظم میں شامل کر کے مفہوم کے تمام گوشوں کی جامع اور موثر انداز سے شعری نمائندگی کر نا Poetry یا نظم نگاری کی دلیل بنتی ہے ۔ طویل عرصہ تک نظم کے معنی مختلف شعری اصناف مشن کے لئے جاتے رہے ، لیکن رفتہ رفتہ کلام موزوں کو ہی نظم نہیں کہا گیا بلکہ شاعری اور نظم کرنے کی تقلیقی اور فنی حیثیت کو نظم کی حیثیت سے قبول کیا جا تا رہا ۔ اس طرح اصطلاحی طور پر تمام شعری اصناف سے ہٹ کر موضوع کے اظہار کے لئے شاعری کے انداز کو اظہارکی تخلیقی خصوصیت کا درجہ دے کر قبول کیا جا تا رہا ۔ فن شعری کے تقاضوں کی تعمیل کی جاۓ تو اسے علم قرار دیا جاۓ گا ۔ اس کے بجاۓ صرف لفظوں کی بندش کی تکمیل کی جائے اور قافیہ اور ردیف کوضروری تصور کرتے ہوۓ صرف تک بندی کا حق ادا کیا جاۓ تو ایسی قسم Verification کی تعریف میں شامل کی جاۓ کی ہے ۔ نظم لکھنا درحقیقت کسی موضوع کے احاطہ کے ساتھ ساتھ موضوع کے امکانات اور اس کی فطری ضروریات کو شعر میں ڈھالنا ہی نظم نگاری کی خصوصیت ہے ۔ اس طرح نظم کے قدیم معنی و مفہوم سے بالکل مختلف شعری انداز عصر حاضر کی نظموں میں دکھائی دیتا ہے آج کے دور میں شاعری کی مختلف اصناف جیسے مثنوی ، مرثیہ ، قصیدہ ، رباعی ، غزل ، شہر آشوب ، ریختی ، واسوخت کو اہمیت حاصل ہے ۔ اس طرح نظم نگاری کے اپنے اہم نکات اور اس کی خصوصیات کی وجہ سے نظم گوئی کو بھی ایک صنف شاعری کا درجہ حاصل ہو گیا ہے ۔

اردونظم کے موضوعات

نظم نگاری کی شروعات سے لے کر ترقی پسند شاعری کے دور تک اردونظم کے موضوعات کا تعلق رسم ورواج ، عید و تہوار اور موسموں کے علاوہ قدرتی مناظر تک محدود تھا ، بلکہ یہ کہا جائے تو بیجا نہ ہوگا کہ ’’انجمن پنجاب لاہور ‘‘ کے موضوعاتی مشاعروں سے قبل تک نظیر اکبر آبادی ایک ایسے واحد شاعر تھے ، جنہوں نے اپنی نظموں میں موضوعات کے تنوع کے ساتھ ساتھ ہئیت کے تنوع کو بھی برقرار رکھا ۔ اس لئے نظیر اکبر آبادی کو اردو کے ممتاز اور مایہ ناز نظم نگار ہی نہیں بلکہ سماج پسند شاعر کا درجہ حاصل ہوتا ہے ۔ ان کی زندگی میں خود ان کی شاعری کی قد رنہیں ہوئی ۔ غرض انسان کی فطرت اور اس کے رویے ہی نہیں بلکہ اس کی مفلسی ، ناداری اور تنو مندی کے ساتھ ساتھ صحت اور خدا پرستی کے علاوہ دنیا کے بے شمار موضوعات کو عوان کا درجہ دے کر نظیر اکبر آبادی نے کامیاب نظم گوئی کی روایت کا آغاز کیا ۔ مولا نا حالی اور محمد حسین آزاد نے انجمن پنجاب لاہور کے توسط سے فطری موضوعات کو نظم میں شامل کیا ۔ چنانچہ چاند ، چاندنی رات ، زمین ، آسمان ، جھاڑ ، پہاڑ قدرتی نظارے اور سادہ آنکھ سے نظر آنے والے مختلف مناظر کو نیچرل شاعری کے توسط سے نظم کا حصہ بنایا گیا ۔ حالی اور آزاد کی تقلید کرتے ہوۓ شبلی نعمانی نے قوم پرستی کو بنیاد بنا کر اسلامی واقعات اور مذہب اسلام کی سچائی کو نظموں میں پیش کرنا شروع گیا ۔ انہوں نے اپنی مشہورنظم ’ ’ خیر ’’مقدم ڈاکٹر انصاری ‘ ‘ کے توسط سے خیر مقدمی نظم کی بنیاد رکھی ۔ اس طرح اردونظمکے موضوعات میں تنوع پیدا ہوتا گیا ۔ چکبست اور سرور جہاں آبادی نے نظم کے موضوعات میں تبدیلی پیدا کرتے ہوئے تخیل اور مشاہدے کی قوت کی حسین آمیزش کی نمائندگی کی ۔اسی دوران انسان کے ذہنی اور روحانی کشمکش کے انداز کو بھی نظم کا حصہ بنایا گیا ۔ قومی احساس کو جگانے کا اہم کارنامہ مولانا حالی نے اپنی طو یل نظم ” مسدس حالی ‘ ‘ کے ذریعہ انجام دیا ۔ اس دور میں اردو نظم کے موضوع میں خوشگوار تبد یلی لاتے ہوۓ اکبر الہ آبادی نے طنزیہ اور مزاحیہ نظم کی روایت کا آغاز کیا ۔ 1905 ء کے بعد اختر شیرانی نے نظم کی روایت کو رومانی احساسات سے وابستہ کر کے پیکر اور پیکر یت کی نمائندگی کی ۔ اختر شیرانی کے کلام میں انگریزی شاعری کے طرز سانیٹ کا انداز بھی دکھائی دیتا ہے ، جس سے اندازہ ہوتا ہے کہ علی گڑھ سے تعلیم یافتہ طلباء نے اردوظلم کے موضوعات کومشرقی شعریات سے الگ کر کے مغربی شعریات سے وابستہ کرنے میں کامیابی حاصل کی ۔اس طرح اردو نظم جو ابتداء میں محدود موضوعات کی نمائند بھی ، رفتہ رفتہ اس کے موضوعات میں نئے اضافے ہونے لگے ۔ چنانچہ چرند پرند ہی نہیں بلکہ بہار ، جنگل ، پہاڑ اور انسان کی ایجاد کردہ چیزوں پر ہی نہیں بلکہ قدرت کے موجودات پر بھی نظمیں لکھ کر اردو کے شاعروں نے نظم نگاری کےموضوعات میں اضافہ کر کے شاعری کے منفر د مختلف انداز کی حیثیت سے نظم نگاری کے طریقے کو بھر پور ترقی دی ۔ چنانچہ آج ار دونظم میں دنیا کے بے شمار موضوعات کا احاطہ موجود ہے اور نظم کی شاعری خیالات کے علاوہ افکار کی نمائندگی کرنے میں پوری طرح کامیاب ہے

نظم کی قسمیں :

اردو نے اپنے لچکدار رویے کے باعث ہندوستانی زبانوں ہی سے نہیں بیرونی ملک کی زبانوں سے بھی الفاظ اصناف اسالیب اور آداب کے تعلق لین دین کیا ہے جس سے اردو کے شعری سرمایہ ا ضافہ ہوا ہے۔ یہ بھی درست ہے کہ بیشتر ہیتوں نے اردو میں اعتبار نہیں پایا لیکن یہ کوشش رائیگا ں بھی نہیں گئی اردو کا شعری منظر نامہ بھر پور ،منور اور معطر ضرور ہوا ۔

معریٰ نظم

معری نظم ایسی نظم کو کہتے ہیں جس میں وزن بھی ہوتا ہے اور ارکان بحر کی پابندی بھی کی جاتی ہے ۔ البتہ اس میں قافیہ اور ردیف سےکام نہیں لیا جاتا۔چونکہ یہ قافیہ سے عاری ہوتی ہے اس لیے ابتدا اس کو غیر مقفع کہا گیا لیکن بعد میں معریٰ نظم کی اصطلاح کو سب نے تسلیم کر لیا ۔اسے انگریزی میں (Blank Verse) کہتے ہیں۔1875 لاہور میں انجمن اسلام کے جلسے میں ایسا مشاعرہ منعقد ہوا جس میں طرح مصرعہ دینے کی بجاۓ موضوع دیا گیا اور قافیہ وردیف کی تجدید کردی گئی ۔ اردو میں معریٰ شاعری کا پہلا مولانامحمد حسین آزاد کے یہاں ملتا ہے ۔ بعد میں ترقی پسند شاعروں نے بھی ردیف اور قافیوں کا استعمال ترک کیااورمعری نظمیں بھی کہنے لگے اور پھر تو یہ ایک مزاج ایک رواج سا بن گیا ۔ اردو میں معری نظم کا سرمایہ اتنا وافر نہ سہی نلیکن خاطر خواہ ضرور ہے۔ہمارے ممتاز اور صف اول کے شاعروں نے بھی اس ہئیت کو اختیار کیا ۔

پابند نظم

پابند نظم اس نظم کو کہتے ہیں جس میں ردیف قافیہ اور بحر کے مقررہ اوزان کی پابندی کی جاتی ہے ۔ پابند ظلم میں نہ موضوعات کی قید ہوتی ہے اور نہ اشعار کی تعداد کی شاعری کسی بھی موضوع پر اور کتنی ہی تعداد میں اشعار کہ سکتا ہے ۔ بعض شاعروں نے چار چھ اشعار پرمشتمل پابند نظمیں بھی کی ہیں ۔ اردو شاعری کا بڑا حصہ پابند نظموں پر مشتمل ہے ۔ ابتدا سے لے کر تا حال تقریبا تمام شاعروں نے پابند نظم نگاری کی ہے اور آج بھی آزاداور معری نظموں کے باوجود پابند نظم نگاری ہی زیادہ ہے ۔ ہم یہاں جوش ملیح آبادی کی ایک پابندظم بدلی کا چاند درج کر رہے ہیں ۔

خورشید وہ دیکھو ڈوب گیا ، ظلمت کے نشان لہرانے لگے مہتاب وہ ہلکے بادل سے چاندی کے ورق برسانے لگا

وہ سانولے پن پر میداں کے ہلکی سی صباحت دوڑ چلی تھوڑا سا ابھر کر بادل سے وہ چاند جبیں جھلکانے لگا

لو ڈوب گیا پھر بادل میں بادل میں وہ خط سے دوڑ گئے تو پھر وہ گھٹائیں چاک ہوئیں ، ظلمت کا قدم تھرانے لگا

بادل میں چھپا تو کھول دیئے بادل میں در بیچے ہیرے کے گردوں پر جو آیا تو گر دوں دریا کی طرح لہرانے لگا

آزاد نظم

آزاد نظم بھی مغرب سے لی گئی ہئیت ہے اور اردو میں یہ ہئیت بے حد قبولیت رکھتی ہے ۔ اس میں قافیہ ردیف کی پابندی نہیں ہوتی بحرکی بھی تحدید نہیں لیکن ایسا نہیں ہے اس میں بحر نہیں ہوتی ۔ بحر کے ارکان اور اس کے اوز ان یا صوتی بندیشوں کی پابندی ہوئی ہے ۔ فرق صرف یہ ہوتا ہے کہ معری نظم میں بحر کے مقررہ اوزان استعمال ہوتے ہیں یعنی اگر پہلے مصرع میں بحر کے چار ارکان استعمال ہوۓ ہیں تو اس کی پابندی نظم کے ہر مصرے میں ہوتی ہے جب کہ آزاد نظم ارکانِ بحر تعداد ہر مصرعہ میں متعین نہیں ہوتی جس کی وجہ سے مصرعے چھوٹے بڑے ہو جاتے ہیں ۔ فرض کیجیے کہ نظم کے پہلے مصرعے میں بحر میں چار بار فاعلن کی تکرارہوئی ہے ۔ نظم آزار میں بعد کے مصرعوں میں کہیں ایک ،کہیں دو، کہیں تین، کہیں چار اور کہیں چھ بار فاعلن کا استعمال ہوسکتا ہے ۔ مخدوم محیی الدین کی نظم ’’سناٹا‘‘

کوئی دھڑکن

نہ کوئی چاپ

نہ کوئی سنچل

نہ کوئی موج

نہ ہلچل

نہ کسی کی سانس کی گرمی

نہ بدن

ایسے سنّاٹے اک آدھ تو پتہ کڑک

بنجاررہ نامہ

ٹک حرص و ہوا کو چھوڑ میاں مت دیس بدیس پھرے مارا قزاق اجل کا لوٹے ہے دن رات بجا کر نقارا

کیا بدھیا بھینسا بیل شتر کیا گونیں پلا سر بھارا کیا گیہوں چانول موٹھ مٹر کیا آگ دھواں اور انگارا